徐淑敏（Suki）對玫瑰花情有獨鍾，她知道東歐保加利亞每年都有玫瑰節，該節日已有逾百年歷史。為大開眼界，Suki早前就孖老公黃浩向保加利亞出發，踏進花田，她即變身「採花賊」，專摘又大又靚的玫瑰花。撰文：比華利
徐淑敏和老公黃浩向來識飲識食又識玩，兩夫妻不時撇下一對女兒外遊，享受二人世界，他們早前就到了東歐的保加利亞觀光。近日推出自家護膚品牌的Suki，鍾情玫瑰花產品，獲悉當地每年都會有玫瑰節，特別孖老公往見識。
Suki經米蘭轉機到保加利亞，再到當地一個小鎮，古蹟隨處可見，她說：「雖然唔算現代化，但我一嚟到就好鍾意呢個地方，我好鍾情歐洲嘅古舊建築物，我好欣賞佢哋嘅特色設計。」
Suki此行最大目的是參加玫瑰節，穿上白裙的她穿梭花田，化身花仙子，她入鄉隨俗拿着籃子做「採花賊」，Suki獲穿上民族服裝的工作人員送上紅玫瑰造成的頸鏈，得她甜笑不停。Suki說：「除咗去玫瑰節，我仲去咗我嘅護膚品原材料供應商嘅白玫瑰花田，我哋想採摘最靚嘅白玫瑰，必須清晨趁仲有露水去摘，啲花真係好清香。」
狂食肉丸嗌膩
保加利亞的土壤肥沃，種植出來的蔬果零舍新鮮，Suki推介大家必吃傳統菜：「喺當地用蔬菜煮嘅湯同沙律，嗰啲清甜同平時嘅好唔同，仲有佢哋特色食物有肉丸，大大嚿，食得多都有少少膩。」Suki大讚當地的紅酒又平又好飲，她說：「老公買咗啲畀朋友做手信，一百多港幣一支嘅已好好飲。」
去邊度：保加利亞
玩幾耐：五日