港人最鍾意捐窿捐罅搵好嘢食。最近CNN Travel就選出五間本港最佳新食肆，其中位於灣仔船街嘅西班牙餐廳22 Ships，大廚來自英國米芝蓮餐廳，佢份靚早餐以凍果乾配天鵝絨薯仔，加埋個煮蛋都幾perfect。
不過港產食肆評選網站OpenRice就有唔少食客嫌地方太細，坐得好唔舒服；另一道獲CNN讚賞嘅甜品PBJ，有食客覺得花生焦糖醬夠特別，但整體味道就一般。
另一間獲CNN推薦位於西環嘅有機素食店Grassroots Pantry，就得到唔少港人認同，食客都讚餐廳環境似足外國鄉村小店，自然又親切。
除咗自製番茄醬夠特色，黑松露雜菌意粉都唔錯，不過有食客就覺得價錢貴咗少少。
八方就覺得，無論食肆調查定係評選，都係當個參考，最緊要都係食得開心。