查實澳職球會都好願意喺球星身上使錢，就好似今季先嚟嘅迪比亞路咁，佢同FC悉尼份兩年合約就值成400萬澳元（約3,200萬港紙）；但球會淨係賣迪比亞路啲波衫，就已經收番480萬澳元（160澳元一件，賣咗3萬件），計落仲有賺。有見及此，對澳職球會嚟講，碧咸絕對係隻金蛋，單係賣波衫，隨時就執成千萬澳元，唔怪得一眾澳職球會肯大手筆向碧咸招手啦！