好多人以為只有高性能車款才有改裝價值，細車「改嚟無謂」。不過有要求的車主卻絕不吝嗇時間金錢為愛驅內外升級，即使如Audi潮車A1都有人改，唔好睇佢外表似足原裝車，內裏電腦避震風箱卻大改特改，邊個仲敢睇小佢？
記者：李鑒泉 攝影：蔡家輝 模特兒：Miki@Pure Models
車輛提供：TW Autosport（2142 0005）
揸慣快車「唔夠喉」
Audi A1玩樂車形象深入民心，單是玩襯色玩款，加上一系列廣告攻勢已成功吸納眾多年輕買家，二十多歲的化妝品設計師Ken便是其一，「我都係睇完廣告之後先決定買A1，因為它好切合年輕才俊的形象，加上後座唔會載人，細部唔係問題。」談吐西化的Ken曾於英、澳留學，因鍾意曬太陽而買開篷車代步，其後更擁有過萬事得RX7跑車，自言唔識車的他，上半年才駕着Scirocco R到有「綠色地獄」之稱的德國紐布靈膜拜一番。揸慣快車的他，對A1只有122匹馬力的1.4公升TFSI引擎明顯「唔夠喉」，所以新車落地無耐就忍唔住大改。
大改特改！
改裝費用合共約八萬元：
頭冚內煥然一新
「與其他Audi比較，A1銷量較少，改裝商少有獨立為A1生產改裝零件，變相限制其改裝空間。」擅長改德國車的TW Autosport負責人Tony認為原廠電腦設定保守，只消用電腦即能將隱藏馬力解封。在A1體內插入SWISS CHIPTECH Chiptuning Box，馬力隨即從122匹升至156匹水平，再加入K&N高流量風隔及風箱、Forge導流閥及Supersprint排氣喉，馬力估計進一步跳升至170匹水平。馬力提升後原裝避震亦不敷應用，結果更換成更適合跑街的KW Suspensions Variant 1 coilover kit，「未改之前我總覺得部車唔多夠力，更換零件後部車加速順暢得多，避震也比原廠更舒服。」外觀的變動則較輕微，不過仍加裝全套Caractere Performance包圍，黑色泵把造型更惡更貼地、車側裙腳亦有導風口，還未算尾擾流、跑車尾翼及四條OZ輪圈，辣味十足。車櫳則出奇地保留原裝佈局，未有更換跑車桶椅等，只是換上金屬腳踏，「原裝車車櫳已夠舒服，未諗到點樣再改。」以為改裝工程已完成，但Ken說，「我仲會為A1加裝Brembo制動卡鉗等等。」佢仲話心郁郁想試吓部寶馬1M，後生仔始終心多多。
333部限量A1
坊間改裝五花八門，還是原廠改裝最信得過？Audi為A1推出限量333部的A1 quattro，配備兩公升TFSI引擎，馬力256匹及扭力350Nm，0-100km/h加速只5.7秒，為應付強大輸出新車採用quattro四驅設計，後避震也成更運動化的四連桿，18吋軨也加強穩定性。車身顏色為金屬白配黑頂，加上巨型鬼面罩及雙出尾喉等更顯霸氣。遺憾是一律屬左軚版，香港無緣引入，只能望梅止渴。
