早排傳出阿仙奴會喺出年1月用禾確特加多800萬鎊(約9,840萬港元),去換利物浦嘅新星史達寧,不過領隊雲格喺周日即刻作出否認,講明無論同禾仔傾唔傾得成續約都好,都唔會喺1月賣走佢。禾仔同阿仙奴嘅合約到今季之後就約滿,如果傾唔成續約,佢可以喺1月同其他球會接洽簽約,到下季拍拍屁股走人,阿仙奴就一毫子都收唔到。另一邊廂,利物浦領隊羅渣士亦口徑一致,話無意喺明年1月作重大收購。