中擦組是老祖宗遺留下來的中國拆家，是以必須開門佈公，一窮二白講清楚性質傾向，中擦組的職務，絕對不是MI:4，主責包括以下幾項：
工具。定義廣泛，視乎民情走勢，民意洶湧就要閉門上鎖，甚至連屁眼也要塞實，詐聽唔見。一旦輿論歸邊，即刻破門入屋將反對份子反鎖兼滅音，乾淨利落。幫政府爆格，賊佬都唔敢認第一。
還拖。特首唔方便出拳，中拆組代為出手。因為是特許經營，肯定不是打屁股那麼小兒科。輸打贏要拆你骨，好打得的，點止一個林鄭。
吹雞。學術名詞叫做鼓動民意。中插組一樣搞民調插中大港大，搵晒金毛強瞓身兼分身做梁粉。吹雞並非砵蘭街惡煞的專利，十二點以後，門常開由波波揸弗升呢叫自己做波哥大，另一位波波放心去隊啤好了。
通渠。名副其實，所有dirty job有中紮組代辦，梁凸慳水慳力。連通櫃、通波仔任務，一樣佢結紮，狼放心。
其他濕碎組務還包括擋鏹、頂包、插水、做針、放蛇、扮蟹。西環，勝在有CPU。