有手提電話嘅人，一定接過「邀請」大家借錢嘅電話，即使講極「我冇需要」，對方都好似聽唔到，繼續叫你借啲錢嚟傍身。社民連梁國雄（圖）都有唔少呢啲經驗，相信對方唔係覺得佢有借錢需要嘅；而對於呢啲借錢公司嘅傳銷電話，佢有一套應對絕招，成功令對方即時收線。
話說每當佢收到呢啲借錢電話時，長毛通常都會好似觀音借庫咁同對方講明「我想借兩億」，佢話對方好多時一聽到呢句就即時收線，唔敢再纏擾佢。
八方有理由懷疑，啲傳銷員可能聽得出長毛把聲，忽然措手不及嚇到收線；但家陣佢公佈咗呢個絕招，恐怕好多人再聽到「我想借兩億」時堅持唔收線，想同佢傾多一陣偈都未定。