昆士柏流浪（QPR）情況水深火熱，領隊曉士仲可以做幾耐真係冇人知，陣中前鋒施斯就唔生性，波就唔識入，同球迷鬥嘴就懶叻。QPR喺上周六英超主場輸畀修咸頓之後，有球迷喺佢Twitter度笑佢射術渣；施斯沉唔住氣回應叫呢位球迷嚟訓練場同佢傾吓偈，星期一二四五都得閒招呼佢。點知另一位球迷見到之後，問施斯「星期三唔得，係咪要練射門？」