狗一向都好有靈性，唔信你睇下安妮夏菲維（Anne Hathaway）隻狗就知，佢識得呷醋㗎！話說安妮噚日素顏喺紐約放狗，佢老公Adam Shulman就唔見影，安妮咁啱遇到個男性朋友，仲同對方擁抱打招呼，但係安妮隻狗狗見到主人攬第二個男人，即刻好似呷醋咁，用哀怨嘅眼神望住主人。安妮同友人一齊行時狗狗都係頭耷耷唔多老嚟，但佢同友人byebye之後，狗狗竟然好開心咁笑番晒，真係一隻大情大性嘅狗！