熊黛林、Angelababy所屬的模特兒公司Style，年度月曆期期都非常性感精采。去過澳洲及與猛禽野獸合照、上過遊艇拍比堅尼，又玩過科幻未來後，2013年新月曆昨日揭開面紗，今次大玩森巴嘉年華舞會，由王菲造型師TiTi Kwan操刀拍攝，他在巴黎找來過千萬高級訂做服、珠寶、大量森巴羽毛頭冠、彩石corset等，靈感主題是在世界末日前，歡愉地及時行樂。
Baby拍攝當日才從巴黎回港，但精力十足，等埋位時狂跳《江南Style》，她變身全白羽毛天使：「只要做嘢，我就自然會精神，尤其係一年一度嘅月曆，次次都好似開party咁開心。」2月女郎熊黛林的紅魔女造型，非常性感，更露出白滑長腿及半個pat pat，「股」惑誘人，谷胸束衣令她唞不過氣：「真係唞唔到氣，差不多成20分鐘，擺甫士好難，我未試過咁性感，露晒側邊成個pat pat，好驚走光呀！」徐濠縈和街拍潮男韓火火也是第一次拍攝。
撰文：唐如
