【本報訊】有人視購買農地為投資良機或安居樂土，但其實農地涉及紛爭甚多。《蘋果》早前接獲貝澳新圍村村民投訴，指有原居民購入農地後，因違法傾倒建築廢料及改變土地用途遭舉報，結果遷怒村民，封鎖車路令村民無法駕駛歸家。
記者接觸肇事原居民發叔，他承認近年先後購入多幅農地，原擬最大一幅逾萬方呎地皮，用以接收政府總部完工後的建築廢料；稍後會用作月租停車場，預計最多設置20個車位，若租滿最少月賺6,000元。
遭投訴一拍兩散
對於被村民指為村霸，發叔滿腹牢騷地說：「最初倒建築廢料，佢哋已經打電話向政府投訴我，搞到環保署話會票控我；輪到起停車場，又投訴我改變土地用途，咁又唔得咁又唔得，我嬲嬲哋咪用鐵柱同大石躉封路，一拍兩散囉！」
對於其行為惹來村民抨擊，發叔忿忿不平說：「塊地係我，我鍾意封就封！如果有人喺我塊地發生意外，點賠呀，我會俾人告㗎！」據悉近日經村長出面斡旋，在發叔農地旁邊另闢車路，始暫時平息事件。