喺杜拜舉行嘅2012年亞洲游泳錦標賽，完全係中國「飛魚」孫楊嘅世界；佢上周六喺強項1,500米自由式決賽中，以破大會紀錄14分44秒10嘅成績，奪得賽事個人第3金。其實今次大賽中國真係大贏家，上周六單日就已經奪得8面金牌；當中「變幻球」女飛魚陸瀅喺100米蝶泳贏得金牌，香港女泳手施幸余就贏得銀牌，認真叻女。