塞爾維亞網球手、「1哥」迪祖高域，未有因為球季結束而放低球拍去嘆世界。上周六呢位25歲球星，就去咗巴西里約熱內盧，同3屆法網得主、巴西名宿古爾頓打咗場表演賽。唔好睇古爾頓已經36歲；呢位2000年年終賽冠軍，以直落兩盤擊敗咗「1哥」！不過，話晒都係表演賽，迪祖玩多過打，又帶假髮扮古爾頓，又叫索爆執波妹幫佢按摩，仲要扮到好舒服㖭！