那些年，鄭少秋與李小龍胞弟李振輝曾經追過的女孩─森森。一直以為，森森當年跟秋官分手，是因為森媽棒打鴛鴦，但原來一切竟是秋官親手摧毀。這天，樂壇姊妹花鼻祖森森、斑斑細說她們的往日情，森森揭露當年決絕跟秋官分手，其實全因秋官高調向周刊公開他寫給森森的一封情書而引爆。
撰文：戴彩煥
由60年代開始，有森森便有斑斑，數十年來，森森、斑斑仍舊是好姊妹、好拍檔，後日兩姊妹又會在荃灣大會堂舉行《歡樂慶今宵演唱會》，相信兩人是香港樂壇中合作時間最長的姊妹花。
原名黎小斌的森森，最為人熟悉除了「三毫字小姐」，便是她跟鄭少秋和一代武打巨星李小龍胞弟李振輝的兩段情。森森當年因常與秋官到夜總會登台而擦出愛火，一直有傳森媽棒打鴛鴦令森森與秋官分手，但森森卻謂另有因由：「媽咪初初覺得我當時唔係理想時間去拍拖，係有畀啲壓力，但唔係棒打。」說到秋官，森森說：「佢份人比較花弗、口花花，我接受唔到，其實當時媽咪已冇畀壓力，之後睇清楚，發現我接受唔到。」
分手變肥姐紅娘
那次森森在秋官面前提出分手，後來秋官回了一封情書，希望森森回心轉意。森森說：「佢話就話畀封信我，但封信係俾周刊登出嚟。導火線就係呢封信，睇到周刊登出嚟之後好唔開心，佢根本冇誠意畀封信我！我登完台返嚟，佢就去咗新加坡拍戲，我哋嗰陣冷戰緊，只係寫信來往，佢託李琳琳畀封信我，話唔好分手，但我唔想一齊，所以就好決絕咁託阿肥（沈殿霞）畀信佢話我唔想。」結果，這封分手信變了肥姐與秋官的紅娘。
森森與秋官拍拖前，已跟李振輝談戀愛，原名黎小雯的斑斑，比姐姐更早對李振輝傾慕，惜神女有心，襄王無夢。斑斑說：「李振輝當年隊band叫The Thunderbirds，我哋又係夾band，叫Bumble Bees，佢成日上《歡樂今宵》，嗰時我好迷佢，後來佢有個party叫我同家姐去，我開心到暈，點知去到party佢唔請我跳舞，淨係請森森跳舞。」
森森跟李振輝的戀情，隨李振輝赴美讀書結束，至76年森森到洛杉磯登台，二人重逢，愛火重燃，翌年在美國結婚，之後生下兒子李嘉豪，但婚姻僅維持了6年。森森跟李振輝結婚時，李小龍已離世，但森森早跟李小龍很熟絡，森森說：「李小龍知我同李振輝拍過拖，所以佢返嚟香港有搵我，一齊飲茶食飯，教我踢板，仲話半個鐘包教識我踢爛塊板。」
斑斑情路多波折
森森83年跟李振輝離婚後，於92年再婚下嫁澳門商人，生活美滿。相比起森森，斑斑的感情路可謂波折重重。92年，斑斑男友羅石青難忍癌病折磨跳樓輕生，數年後，斑斑重新振作跟惠天賜結婚，二人生下一子，惜婚後5年離婚收場，月前惠天賜在北京猝死。對於兒子失去爸爸，斑斑說：「個仔表現平和，但我知佢個心好唔舒服。我初初聽到都好愕然，但既然係事實，惟有做好日後嘅事。」為何不再婚？斑斑無奈說：「呢10年忙於照顧個仔，又要搵食，邊有時間？隨緣啦。」