被逐嘅熱刺艾迪巴約賽後話，自己淪為「一分鐘英雄，一分鐘狗熊。」其實佢喺阿仙奴成名後，6年內踢過4間大會，麻煩不絕，表現與其高昂身價已不成正比；波亞斯季初忍住唔出佢，近期逐漸用番呢位長腳蜢分擔迪科爾喺前線嘅壓力，結果今場出事後當然要向外界力撐艾迪巴約唔係踢茅波。賽前，喺球員通道等入場，呢位笑面虎好想同阿仙奴舊隊友打招呼，但對家球員當時運高睇佢唔到，攪到佢好鬼尷尬；入波後想再挑釁對家球迷，之後想整隻撩天腿收辛迪卡索拉檔。呢類事情，喺佢第一次着曼城波衫倒戈都做過晒，波仔今次真係捉蟲！對付阿仙奴，快速穩守突擊足夠收死佢哋，出呢位反骨仔反令主隊熱血沸騰，整定場波史無前例翻冧5:2，爆咗個賽前提供嘅4:2波膽。