自從奧巴馬成功連任美國總統後，由財政懸崖牽頭的一連串壞消息不斷湧現，令港股由高位回落近千點，唐牛認為，指數由QE3推出後約二萬點起步，不足兩個月升逾一成，都算有交代，獲利盤出籠亦正常不過。早前都提過，大市回軟但個股輪流炒情況持續，上周五上升股份稍微多過下跌股份，反映大市有喘穩迹象。
今日推介上周五發力嘅內房股佳兆業（1638）。集團早前公佈，首10月實現累計合約銷售額128億元人民幣，全年計達標78%，按比例計隨時唔能夠達標，明顯跑輸同業，所以今年累計升幅僅23%，投資價值卻因此浮現。
德銀早前發表報告，預期佳兆業每股NAV達6.72元，以現價1.65元計，大折讓75%，數最平內房股肯定有佢份。睇圖表，佳兆業上周五大升5.8%，以大成交突破年中雙頂阻力，走勢一流，以今年高位1.94元作目標，潛在升幅18%，屆時年度化市盈率都只係5.7倍。
唐牛