中環在線：
洪丕正悟空上身撩細路 - 李華華

渣打集團（2888）亞洲區CEO白承睿同香港CEO洪丕正（Ben）噚日出席渣打贊助嘅藝趣嘉年華，齊齊流露鬼馬、頑皮一面，阿Ben上台主持開幕禮之前，見到一個馬騮仔打扮嘅小朋友，竟然孫悟空上身，前後咁逗個小朋友玩。
渣打除咗有馬拉松，亦第12年贊助藝趣嘉年華，規模仲越來越大，最初喺赤柱廣場，後來移師維園，今年直情由維園行入銅鑼灣心臟區，令到銅鑼灣仲熱鬧過假日，帶畀市民好多歡笑同正能量，令商戶暫時忘記貴租之苦。
白承睿話，今年嘉年華嘅規模算係一個突破，明年嘅嘉年華至少要有番咁嘅規模，可唔可以再行遠啲？佢話明年會諗諗佢。