未來呢個月，全城都會係聖誕兼新年嘅氣氛，各大商場已經換晒新裝準備「吸金」，強國人集中地嘅銅鑼灣時代廣場，今年喺時代廣場嘅露天廣場同二樓大堂搞LEGO聖誕村，相信一定會吸引一家大細嚟影相，LEGO迷同龍友更加唔會放過呢個黃金機會。聖誕村今晚六點有亮燈儀式同開幕禮，到時一定人頭湧湧。呢個聖誕村由11組各式LEGO主題房屋組成，由香港LEGO迷根據北歐嘅樓房及街景砌成，配合50組一比二十嘅LEGO人偶，同大量一比一嘅LEGO顆粒砌成嘅模型。全場模型合共用咗超過100萬LEGO顆粒砌成，效果應該唔錯。李家皓攝