76人新兵拜林早前宣佈要休息多5周，日前佢接受訪問時話為傷勢反覆無常而感到有啲沮喪。佢解釋話因為夏天去咗德國，接受連前隊友拜恩都試過嘅富血小板血漿療法；點知效果到家都未有，雙膝軟骨依然仲未復原到夠力支撐佢比賽，所以要繼續等落去。但係美國傳媒上周六爆料，話25歲嘅拜林受傷仲去打保齡球，令到雙膝傷勢再嚴重咗。