【車手之言】
雖然澳門旅遊局局長暨大賽車委員會協調員安棟樑，日前再三強調東望洋賽道符合國際汽聯標準，安全有保證；但有31年澳門大賽車經驗的資深香港車手盧雄彪批評，丘永材喪生的文華東方彎凹凸不平，而意外後清理油污工作亦有問題，對車手安全有威脅。
清理工作不足
年屆60歲的盧雄彪（彪叔），自81年起開始參加澳門大賽車，經驗豐富，而前日身亡的丘永材，亦曾跟隨其車手兒子家輝學車。彪叔指出，丘永材發生意外的文華東方彎其實暗藏危機，他說：「東方彎地上有三個箭嘴，係車手轉彎嘅標準，但呢幾個箭嘴未有鋪上新嘅瀝青，非常凹凸不平，對車手肯定有影響，如果入彎有少少『過龍』就會好危險。」
雖然彪叔昨出戰電訊房車盃時發生意外，最終未能完成賽事，但他強調與下雨並無關係，反而批評賽道油污清潔得不乾淨︰「條路有好多油，賽會應放一些吸油的英泥等，清理完後再掃乾淨，但唔明點解會清潔得唔夠乾淨，嚴格嚟講係賽會嘅問題。條賽道比以往差，而救護工作係好係差，大家有目共睹。」
《蘋果》記者