「強積金透視」上周二刊登MPF受託人服務比拼的專題，比較所有受託人在基金轉換及網上服務質素的分別。有口痕朋友話：轉遲一兩日係咪有咁大問題？服務差啲係咪咁嚴重？
答案是：絕對係囉！試想下，強積金投資無論賺蝕，受託人收費都袋袋平安，而且隨着個Pool越來越大，佢哋就越肥仔水，受託人提供有效率及優質服務係天經地義。
至於轉換基金效率，最快一日、最長五日，就好似去餐廳同時間點同一個餐，人哋食完兼埋單，你仲未有得食，你覺得無問題只可以讚你大方。仲有，你作轉基金決定，即是你對市況看法已轉變，看好時買貨遲一日，即升市下買貨貴過人；跌市時走鬼又遲人一日，真正是「執輸行頭慘過敗家」。