格拉斯哥流浪發爛渣！球會CEO查理格連話蘇超賽會好唔尊重佢哋，想跳槽去玩英超。格流因為財困幾乎執笠，今季仲俾足總踢咗落蘇丙；查理格連就大罵賽會：「佢哋嘅人完全唔畀面，兜口兜面話蘇超唔歡迎我哋，叫我哋落去！」佢仲拉埋曼聯落水，話紅魔都好想格流呢啲班霸去英超一齊玩；點知曼聯發言人即刻出嚟澄清，建議英超保持現狀最好。