【遇強越強】
解放軍是過去3屆毅行者王者，屢屢刷新大會紀錄，令本港選手大嘆無得揮，但第一屆解放軍隊伍原來是本港資深毅行者曾小強的徒弟。今年34歲的曾小強作為解放軍隊的師傅，成績與解放軍隊伍平分秋色，上屆以3分鐘之微輸給解放軍隊，今屆以11小時52分完成賽事，打破徒弟紀錄。
曾小強正職是救護員，育有歲半兒子。09年樂施會邀請他成為解放軍隊伍的教練。他說：「我帶過佢哋比賽，講解點樣練，點去做最快時間，帶佢哋跑過幾次。」他指解放軍隊伍約20人，年齡介乎18至23歲，在9月開始操練，從中選擇最快、最少傷患的8人組隊參賽。
他讚解放軍隊伍原本是零經驗，但訓練非常刻苦，業餘選手在訓練時間難與解放軍隊競爭，「你有工作、家庭，好多嘢兼顧，佢哋訓練就係訓練。」但曾小強認為遇強越強，有解放軍參賽是好事，「越多強手越多進步。」他慨嘆：「若今年佢哋喺到仲開心，多一隊競爭對手感覺仲正。」
《蘋果》記者