NBA好多名宿退役之後，都會發現自己仲係球員嗰時用得太多錢，又冇乜儲蓄，搞到日子好難過。早兩個月「J博士」艾榮已經因為財困，而賣咗自己個MVP獎盃。估唔到另一教父級名宿「Big O」奧斯卡羅拔臣（右），都因為財政問題，而要拍賣自己1964年常規賽MVP獎盃！聽講個盃起價兩萬美元（約16萬港元），最少搵番廿幾萬都可以救急。