風景如畫的黃石碼頭是市民最愛的燒烤勝地之一，每到假日十多個燒烤爐經常爆滿。不過，自從流浪牛圍攻搶食烤肉後，已嚇怕不少人。記者日前直擊一個姓楊家庭，遭牛群圍攻的經過。
試圖用麪包引開牛隻
楊氏一家起初圍着爐燒烤，沒為意幾頭黃牛悄悄跑到爐邊，直至牛隻舔着楊太手上的腸仔，她「嘩」的一聲叫起來，眾人才驚覺這群不速之客，囝囝慌忙躲到大人身後。「牛唔係食草嘅咩？點解腸仔都食？」楊先生全家舉起燒烤叉敲打，但牛隻不怕繼續搶肉，他只好用麪包引開牛隻，但麪包吃光後又折返，一家人又要來回躲避。「唔燒啦！點燒啫，佢哋霸晒個爐」。楊先生惟有趕快執拾食物離開。其間有經驗的燒烤人士提醒，一定要趕在下午四時前燒光食物離開，「佢哋日頭會周圍走，四點就會返嚟燒烤場呢度，所以千祈唔好夜晚嚟燒烤」。