芝娃娃的身形十分細小，小儀表示平日要注意自己的舉動，避免踩傷小狗，她說：「因為芝娃娃好黐身，成日跟住主人腳邊行，所以平時行路一定要睇得好清楚，唔係就好易踩到佢。」小儀又指出香港人養的芝娃娃多數偏肥，而牠們的腳很幼少，很易跳上跳落時甩骱，要多加留意體重。
原來DeeDee腳骱窩位較淺，曾有腳痛的情況，最後針灸後得以改善，免卻了做削深窩位的手術。當時DeeDee針灸及營養食品雙管齊下，經常要吃骨粉丸增加鈣質，令骨質得以改善。此外，小儀提醒各位狗主，當小狗出街回家後一定要用毛巾抹全身及吹乾，她說：「以前我疏忽，幫DeeDee用濕毛巾抹完腳之後冇幫佢吹乾腳趾罅，搞到佢有狗狗香港腳，隻腳會有一陣餿味。」