十八大正式閉幕，新一代中央領導班子塵埃落定，有分析指維穩行情暫告一段落，A股亦一瀉如注，滬綜指昨挫逾1%，再次逼近2000關，港股當然亦難倖免，埋單跌逾300點。好彩嘅係，恒指一路都守喺21000心理關口以及50日線之上，可繼續視之為調整市。噚日推介嘅創維數碼（751），一度再衝高近2%，回氣過後應有力再上。今日推介另外一隻破位股三江化工（2198），集團主要產銷環氧乙烷、表面活性劑及加工服務，為家居清潔劑、化妝品等主要成份，用途廣泛。截至今年6月底，中期賺2億銀，按年增長28%，毛利及純利率齊齊上升，年度化市盈率僅5.5倍，雖然冇派中期息，但公司講明全年派息比率不少於三成，年度化計息率達5.5厘，認真吸引，難怪呢排主席頻頻增持，為股價增添動力。該股噚日收報2.72元，升4.2%，以7倍市盈率做目標，可見3.46元，潛在升幅27%，屆時息率都仲有4厘幾。唐牛