兩條魚拼合在一起的雙魚座，崇尚唯美的愛情，為人體貼又浪漫。三月出生的林德信，有着典型的雙魚座性格，別看他入行不久緋聞多多，但他自認只拍過三次拖，而他的初戀情人是日本女生，分手時他還創作歌曲希望留住芳心。
林子祥兒子林德信入行不久，分別跟吳雨霏、王秀琳等人傳緋聞，27歲的他自爆初戀在大學時，他說：「讀大學先初戀，個女仔係日本人，我哋喺L.A.間學校出面有個大花園，我哋差不多每晚都行，一齊望星星，傾吓偈。」
追女似拍戲
11月中推出唱片，封套充滿男人味，主打歌離不開一個情字，原來現實中林德信也同樣浪漫癡情，跟初戀女友分手，特別創作歌曲來挽留情人。追女仔橋段都幾戲劇化，他說：「如果我鍾意嗰個女仔，會好投入段感情。我有時會突然好掛住情人，就會夜麻麻去佢屋企樓下望佢。不過我好硬頸，好想個伴侶係陪我一齊經歷生活，但我鍾意嘅，有時佢唔鍾意。」他稱每次分手，女友總結「死因」，都是他不了解女人心。
恨一見鍾情
林德信理想中的拍拖生活：「鍾意一個人，無論對方有幾煩，相處時點辛苦，都係一種愛，唔應該放棄。」至於他心中的理想情人，他說：「好講感覺，最好一見鍾情，希望佢善解人意，喺人哋面前要感覺到我存在。」問到是否要對方眼中只有他，他甜笑謂：「最好啦！」
採訪：王連連
攝影：林德雄
髮型：Eve Chiu
化妝：Kirsty Lam
場地：通利琴行