下周一是無綫45周年台慶，全台女藝員都會悉心打扮，爭妍鬥麗，希望突圍而出成功搶鏡。無綫兩大咪神高海寧和賈曉晨（JJ）日前為台慶試衫，兩女皆不吝嗇，谷胸大騷本錢，隔空先進行一場導彈胸戰。
採訪：王崇穎、卓寶花
高Ling鮮色當旺
無綫咪神高海寧（高Ling）日前到中環為台慶試晚裝，她找來設計師為她度身訂做，高Ling表示：「因為我上圍較豐滿，腰又幼，所以通常都要訂做。」今年她刻意挑選較為搶眼的顏色，她笑言想營造開開心心的感覺，為了以靚靚姿態出現，近日已積極收身，她說：「保持好身材都算係工作一部份。」
今次高Ling分別試穿上價值近十萬，鑲上過百粒水晶的銀色長裙及價值五萬的酒紅色低胸長裙，兩者充份凸顯其上圍，絕對令人有窒息感覺。她坦言鮮色十分旺自己：「上年我揀咗套桃紅色晚裝，嗰晚仲贏咗一萬蚊抽獎，所以好幸運，但係最後請食飯都請凸咗。」高Ling坦言性感有底線，家人亦沒有反對她行性感，最重要是靚及健康。
服裝及場地：AOLISHA by Kev Yiu
JJ鍾情白色戰衣
賈曉晨近年在無綫劇接劇，雖不是公司親生女，但為了台慶，日前亦往中環挑選出席台慶的戰衣，JJ對白色婚紗類的晚裝情有獨鍾，問是否與男友樊少皇感情穩定而憧憬結婚，她表示：「唔係，我只係對公主有情意結，由細到大都鍾意白色裙，之前都以為好想結婚，今次被迫公開戀情後，先知自己冇認真諗結婚，好似好遙遠咁，家都係以事業為重，其他嘢我唔諗住啦。」
JJ雖然與男友感情穩定，但異地戀亦足以令她心掛掛，她說：「有乜都唔可以即刻得到安慰，大家都諗緊點解決呢個問題，可以見多啲。」
JJ近日將在台慶劇《名媛望族》出場，她形容角色在戲內是曇花一現，論到發揮，她始終喜歡《怒火街頭2》的錢心心一角，至於能否帶來獎項提名，JJ直言：「唔知道，我冇諗，我都唔係親生女。」
