小小超李澤楷和已分手的梁洛施育有三子，小小超舊愛羅愛欣（Rachel）也即將榮升媽咪。今年中在美國結婚的羅愛欣，婚後火速造人成功，懷上4個月身孕的她，前晚在金鐘出席活動，她居然已重了12磅，king size巨肚更令她經常背痛。同場何嘉莉透露兩個半月囝囝，已變成米芝蓮肥B。
小小超前女友、中英混血兒羅愛欣、何嘉莉、Alice B.、鐘錶美女胡敏珊等，前晚在金鐘出席展覽，今年年中結婚的Rachel，已火速懷上身孕，腹大便便現身。Rachel 7月在美國跟任職銀行的男友Matthew Wong結婚，8月中曾在香港半島酒店補擺喜酒，但兩次都沒邀請舊愛小小超去飲。
4月預產留港生
前晚Rachel穿上兩吋半高踭鞋，腹大便便現身，她說：「4個月喇，係女嚟，好緊張，成日睇育嬰書。」她指每日都游水及抽空做健身，以防水腫：「重咗成12磅，肥晒落個肚度，個肚家係特大size，因為個肚大，比較重，所以成日背痛。」
Rachel自言好彩沒懷孕期的嘔吐不適及口味改變，只是緊張戒口、每日睡9個半小時，她說：「都會留喺香港生，想順產，所以努力喺醫院上堂學，預產期係4月中。」她指家中正裝修BB房，已買妥一切嬰兒用品，萬事準備好，只等小寶貝來臨：「老公鍾意仔，都會再追，有計劃再生，冇咁快收工，佢想生三個，我想要兩個。」
何嘉莉湊仔論盡
同場何嘉莉生了兩個半月，已火速修身成功，她指囝囝黃尚恩（Jean）cute爆：「BB變咗米芝蓮，搞到我成日想咬佢，好好笑。」她指陪月依然在家照顧，兩公婆沒爭湊仔：「開始同個仔返playgroup學體能，真係好似玩自己咁，我哋姐手姐腳，成日驚扭親佢，全班最水皮係我哋，老師都笑。」她謂想囝囝讀國際學校。
採訪：林嘉慈
攝影：陳志嵐
