楊穎（Angelababy）之前被影到和男友黃曉明慶祝生日，之後更一齊返酒店，甜蜜戀情越來越公開。Baby前晚出席活動時，害羞表示曉明沒過夜，大呼：「冇下文呀！」談到詳情，她即自爆食物中毒入院，病到失憶。
前晚Angelababy在金鐘出席鞋袋展覽，她拿着價值14萬的水晶手袋，自爆買過最貴的手袋是30萬，Baby日前行街被發現拎住鱷魚皮Birkin，似乎正是她所講的寶貝貴袋：「自己儲錢買，當時許願話希望接到某個廣告，後嚟真係接到，就決定買，我又冇乜嗜好，將來可以留番畀女囉，所以一定要生女，哈哈！」
返酒店冇下文
Baby早前被影到和黃曉明食飯慶生，更一齊返酒店。問到她有關曉明生日的事，Baby即轉話題說：「我前日食物中毒入咗醫院呀，喺內地，嘔足一個鐘頭，成個人都瘦晒。」和曉明一齊吃飯，黃曉明有冇事？她發嬌嗔：「唔係呀，唔關事，（佢）好耐之前，我一個人咋，冇一齊呀，飲咗啲隔夜湯，不過小災小禍是福。」追問她曉明生日怎慶祝，Baby說：「哎咋，我失憶呀！」一齊返酒店喎？她說：「冇乜回應呀，大家唔好問，冇下文呀！」問她是否黃曉明沒過夜？Baby只好害羞點頭，至於送甚麼禮物，她連呼：「我失憶呀！」
此外，被指變臉後貌似Angelababy的「Angela心妍」關心妍前晚不約而同出席活動，她到九展擔任校花校草比賽的表演嘉賓，她自言貼中校花，但以前讀書就未參加過這些選舉，不過她直認讀書時期愛望靚仔：「暗戀就個個都有，中一時鍾意一個外國人插班生，成個少年湯告魯斯咁，佢仲坐喺我隔籬，搞到我上堂時望住佢，讀書真係唔好有靚仔，會影響學習。」
採訪：林嘉慈、文國駿
攝影：陳志嵐、陳俊強