下月就是音樂頒獎禮的開始，歌手們近日要着手搜羅戰衣，希望成為當晚的焦點。吳雨霏（Kary）日前由形象指導好友陪同下揀衫，集中揀選型格的服飾。
吳雨霏日前由曾和她傳緋聞的形象指導馬天佑陪同下，到銅鑼灣為頒獎禮挑選戰衣。身形纖瘦的她選了一件黑色透視上衣配上黑bra，型格得來不失性感，她透露預計花6位數購買頒獎禮的服飾。Kary強調自己從來不介意打扮性感，但絕對不會為露而露。
「我冇本錢露啦」
Kary說：「首先我自己根本冇本錢去露啦，型得嚟嘅性感我接受到，唱片封面同演唱會我都接受到大膽同誇張嘅嘢，咁平時出function就會配合番個場合。」近年Kary的打扮亦漸漸有自己的風格，與初出道時相距甚遠，她說：「出道時Cookies都係着制服，嗰時自己都唔鍾意扮靚，唔使做嘢都係牛仔褲、tee同埋人字拖咁出街，後來去到Ping Pung時雷頌德逼我轉image。好記得初時佢逼我着短裙同魚網襪，我唔係咁鍾意呢種打扮，後來畀人讚得多就接受咗。」
自此Kary開始留意時裝雜誌及外國的時裝網，有時更會於外國網買衫，減少撞衫機會。Kary表示未遇到過撞衫的場面，原來她已想好一句最好的對白，在撞衫的時候說出來，她笑說：「我諗咗好耐㗎啦，真係同人撞衫，我會講句good taste！」
每年樂壇頒獎禮Kary最期待是陳奕迅（Eason）、蔡卓妍（阿Sa）及容祖兒的打扮，她說：「Eason次次都畀到驚喜大家，阿Sa同祖兒嘅打扮都好靚。」
採訪：李珮洳
攝影：陳慧安
場地提供：Liger