近日亞洲先生同亞姐輪住出現，前晚終於同場，男女大解放，又攬又錫。話說亞生喺中環夜店玩拉票，亞姐做評判，一眾亞生施展渾身解數，除衫跳舞甚至跪地等，亞姐就向心水嘅亞生送上嘴唇貼紙，結果9號柯俊威攞冠軍，7號畢萬春得第二，21號張傳奇得第三。
之前話想唔玩嘅畢萬春一出現好受歡迎，亞姐11號陳瑩瑩同12號黃一晴好冧佢，狂將貼紙送畀佢，其他人即時起哄叫錫，畢萬春就錫咗兩女面頰。9號柯俊威出場就送飛吻，7號許麗莉送貼紙時，男嘅就隔貼紙錫咗佢一啖。17號黃集鋒仲博即場除衫，1號趙海恩同2號黃璧安大膽將貼紙貼喺佢左右乳頭，認真豪放。
另外，亞姐噚日喺愛民村打保齡球宣傳，因為件tee包到上頸零睇頭，唔怪得冇人圍觀。
撰文：洪紅克
