秋高氣爽又係郊遊好時候，近近哋去飛鵝山吸啖新鮮空氣已是城市人鬆一鬆的最佳節目。Hyundai最新第三代Santa Fe唔只好力，車櫳亦夠大，五個人都可輕輕鬆鬆上山頂，唔夠？打開後座坐多兩個都仲得呀！
記者：李鑒泉 攝影：陳盛臣、劉永發 模特兒：Kitty@Pure Models
一行五人 長踩長有
上月在摩洛哥初試Santa Fe時只有柴油前驅版，想不到回港一陣子，汽油版旋即赴港，更已率先出牌，小記當然急不及待集齊人馬安排上飛鵝山實試新車表現。連同小記在內，拍攝當日一行五人從九龍灣陳列室出發，最初還以為中排容納三名彪形大漢後會過份擠逼，結果三人根本不用肩並肩，頭部、腳部空間仍大把位剩，後排兩張座椅最終還是收起來，騰出額外空間擺放攝影器材。前座則是現代一貫的舒適，駕駛席是12段調校皮座，不規則設計的中控台一洗上代的沉穩味道，還有USB、藍芽音響接駁容易，娛樂感不遜玩樂車。今代Santa Fe特別加入名為Flex steer的軚感回饋系統，三種模式（Normal/Comfort/Sport）中以Sport的軚感較實在，但仍覺偏輕，再按下Active ECO按鈕，引擎轉數旋即下跌500轉，雖然慳油但欠駕駛樂趣。
轉上飛鵝山道才是考驗Santa Fe的重頭戲，原本懷疑2.4公升GDI引擎能否推動載了五人的沉重車身，但在大腳一踩油門後，憂慮一掃而空，只因引擎在調校後可輸出192匹馬力，比上代多18匹之餘，扭力亦提高至24.7kg-m，2,000餘轉已踏進發力帶，即使瞬間爆發性欠奉，但勝在長踩長有，絕無拖牛上樹的失落感，利用六前速自動波的+/-功能更能讓齒輪更快契合，榨取馬力更得心應手，第三代新增的電子手掣及Auto Hold也能在路面開開停停時帶來方便。另外，智能四驅感覺平穩，落山時又可按鍵鎖住車速，即使新手也能輕鬆操控。
改頭換面更年輕
改頭換面的第三代Santa Fe跟第二代除了廠徽外幾乎無一相同，4,690×1,880×1,680mm的尺寸較第二代矮了80mm，營造更修長的感覺，車身線條硬朗，上揚後窗巧妙隱藏巨型車尾，伸延至車側的LED尾燈造型特別。車頭則換上六角形電鍍鬼面罩、Xenon頭燈連燈眉、融入網格之中的霧燈及前後金屬泥擋等，賣相年輕不少。Santa Fe分別設Premium及Deluxe兩個版本，後者抽走電天窗、乘客席電動椅、Xenon頭燈及LED尾燈等，車價分別為$358,000及$328,000，要豪揸定平玩均有選擇。
「駕駛感拍得住歐洲車」
Santa Fe試車，連剛轉投CTI拍劇的陳少邦也聞風而至，Bond向來以平治CLK320代步，卻對SUV情有獨鍾，「SUV大大部，落車嗰下幾有型。Santa Fe外形幾煞食，完全睇唔出佢係韓國車，個樣我俾80分，如果換條更大的胎軨就更型！駕駛感唔錯，估唔到佢咁好力，雖然大架但感覺輕身，睇位都易，感覺拍得住歐洲車。」
Hyundai Santa Fe
引擎：2,359cc直四Theta II GDI
馬力：192ps/6,300rpm
扭力：24.7kg-m/4,250rpm
傳動：六前速自動連+/-，四驅
售價：$358,000（Premium）
查詢：3428 8288 （Hyundai HK）
現代Santa Fe首展
除了Santa Fe七人SUV，同場還有i40房車及旅行車、Veloster三門跑車等展出。
日期：11月17-18日
地點：荃灣廣場