早前宣佈懷有第二胎的蔡少芬（Ada）昨日現身拍廣告，雖然估計她的BB只有約三個多月大，但穿起貼身衫時明顯見肚，怪不得Ada指今胎的size比較大。已育有囡囡楚兒的Ada被追問今胎是否「慈菇椗」，她不置可否，更表示人生幸福美滿。
成功和老公張晉再度造人成功的蔡少芬，日前在微博公佈喜訊，昨日Ada到柴灣拍攝護膚品廣告，懷有身孕的她仍穿上短裙騷長腿，又着上三吋高踭鞋坐在椅邊擺甫士。雖然估計Ada只有約三個多月身孕，但見她的肚皮已相當明顯，而廣告商更即場送冬蟲夏草及由汽球砌成的一家四口公仔給Ada。
搏命賺奶粉錢
當中的汽球公仔BB造型似男仔，莫非有所暗示？問到Ada腹中BB是仔還是女時，她聞言只顧着笑，並謂：「我開心一方面可以搵錢又可以扮靚，感覺真係好。」Ada除了不肯透露BB性別外，連懷胎幾多個月也不肯透露，她只表示工作已排到明年1月，並會如上胎一樣一直工作至臨盆之前，她說：「原本唔想講有BB，因為怕冇咗啲工作，不過好彩反而多咗。」
Ada直言今次嘔吐比較多很辛苦，記者指陀仔會比較辛苦及多嘔吐，她聞言又只是笑而未有否認：「生埋呢個我會封肚，係咪湊夠好字？總之乜嘢都夠，人生好滿足，一向都美滿。」Ada表示交由老公稍後宣佈BB性別。
囡囡代言賣童裝
Ada又透露肚皮較鬆，故此今胎陀BB較舒服，她更覺得BB的size比囡囡楚兒為大：「老公有叫我休息，但我同個女一樣，每日唔出過街都唔安樂，家我會接啲輕鬆嘅工作同廣告，劇就唔拍。」她稍後會推出自家品牌的童裝，並會找囡囡做代言人。
採訪：王崇穎 攝影：陳慧安
