一直疑是同志的張敬軒早已和許廷鏗傳斷背，近日胡鴻鈞又認和軒仔過從甚密，更承認到訪其家。前晚許廷鏗和胡鴻鈞同場錄影《勁歌》時大方合照，胡更坦認和軒仔已升級為要好朋友。
同是巨聲幫出身的許廷鏗（Alfred）及胡鴻鈞前晚到將軍澳電視廣播城錄影《勁歌金曲》，兩人近日多了一個共通點，就是同是張敬軒的閨中密友。Alfred和軒仔傳過斷背緋聞，而軒仔日前擔任胡鴻鈞音樂會的神秘嘉賓，向胡送上熊公仔，令他感動眼濕濕。Alfred坦認和軒仔仍有聯絡：「佢一向支持後輩，大家係好音樂性嘅朋友，希望外界唔好諗到咁。」
許廷鏗成過去式
近日胡鴻鈞和軒仔認密友，Alfred和軒仔的緋聞隨時成過去式，他說：「唔諗呢啲嘢，新聞一定有，清者自清。」至於胡鴻鈞則稱和軒仔只是正常朋友，但他坦言：「軒仔係我欣賞嘅歌手，好開心佢肯教我，我唔會怕緋聞而唔同佢做朋友。」會否日久生情？他說：「我好明確話軒仔同我係由朋友變成為好朋友。」此外，胡鴻鈞昨接受商台錄音訪問時表示，早前軒仔現身其音樂會，真是很大驚喜：「我開騷前一個月打畀佢都搵佢唔到，後嚟佢話係特登咁做，目的係營造驚喜畀我。」
採訪、攝影：王崇穎