馮仁昭四圍超:陳曼娜生日星閃閃 - 馮仁昭

馮仁昭四圍超:陳曼娜生日星閃閃 - 馮仁昭

由無綫過檔城市電訊拍劇嘅陳曼娜,日前邀得老闆王維基、宣萱、王喜等出席生日會,喺麗的年代令無綫陣腳大亂嘅麥當雄都有現身,曼娜姐笑言:「麥當雄已經十年冇出嚟蒲,佢嘅出現畀王維基一個好兆頭。」由於已跳槽,今年曼娜姐唔敢請無綫人,免被誤會挖角。
講到生日願望,曼娜姐希望繼續多拍好劇,工作雖多但公司仲未攞到電視牌照,有冇擔心?佢話:「呢啲唔到我擔心,我嫁雞隨雞,我希望開台順利,大家都有啖飯食,多條生路啦。」
撰文:馮仁昭