明星賽一向都好民主，全球球迷一人一票選出心目中嘅球星表演；今年仲將中鋒、前鋒合併做「前場」，等球迷可以有更多選擇。社交網站已經成為日常生活嘅一部份，聯盟有見及此，仲開放埋facebook、twitter收集選票，就連強國嘅微博同QQ都支援，對有中國市場支持嘅火箭控衞林書豪（右二）認真有利！不過咁樣可能會有唔少問題，打錯字點算？冇寫晒兩隊陣容又點計？小心到頭來搞到好似大婆台個港女小姐投票咁，搞出個大頭佛呀！