狼振英嘅前私人助理鄭希喧（Scott，圖），幫狼振英時月薪63,000蚊；同狼振英分手後，轉職做咗政治公關，原來仲好世界。喺啱啱過去嘅立法會選舉，Scott食咗兩家茶禮，幫新界西何君堯做公關，阿Scott都算收得平，只係收咗4萬蚊。難怪落選咗嘅何君堯都繼續請佢做助理。除咗建制派，Scott原來都幫泛民兼公共專業聯盟甄文星參選金融服務界，提供公關服務，不過幫嘅時間唔長，所以只係收咗2萬蚊。踩單車提倡簡約生活嘅新界東候選人龐一鳴，獲主場新聞搞手蔡東豪捐咗15萬，成為龐一鳴嘅最大金主，而佢嘅選舉經費只係近廿萬。