股評人黃偉康上月底離開只係做咗一年嘅證券行靈獅，留低老友藺常念，最近聽聞藺Sir做得冇癮，萌生去意，只係靈獅老闆仲未請到人接手，佢惟有多留一會，話唔定做到明年初，65歲就正式退休了。
退休後想要伴遊美女
藺Sir噚日開懷大笑咁講，仲有幾個月就到65歲退休年齡，家生活無憂，唔係為錢打工，遲吓可能真係唔做嘢走去旅行嘆世界，做「旅遊民族」，仲口花花咁話，最好到時有美女相伴喎，佢口中嘅美女應該係藺太啦。佢解釋，靈獅雖然有幾位負責人員（俗稱RO），但主要睇銷售部門，佢就負責行政，黃偉康走咗一個月唔夠，如果佢跟住走，又未有人接手，好似唔多好，話唔想做到咁唔負責任，於是打算繼續留底，等老闆請人返來接手先再算。咁即係，遲早拜拜囉！