【盈盈樂樂 樂盈盈之男女大戰】錢嘉樂、湯盈盈前日由熊貓證婚，今日將在洲際酒店筵開50席大宴親朋，前晚兄弟、姊妹兵分兩路商量婚宴事宜，姊妹團已準備好玩新郎遊戲，據知招數比《獎門人》遊戲更激，但原來姊妹團復仇目標並非只有樂樂，隨時掉轉槍頭玩盈盈。
盈盈、樂樂今晚在尖沙嘴洲際酒店筵開50席宴請親朋，早上11時在酒店有接新娘儀式。前日盈盈樂樂在海洋公園註冊後便返酒店休息，約晚上8時，樂樂離開酒店返匡湖居，未幾再往香港仔L酒店與曾志偉等兄弟飯敍傾婚宴細節。而盈盈與梁靖琪也自酒店前往香港仔深灣遊艇會，約10時許，鍾麗淇載住周家蔚到達同商討玩新郎大計。
遊戲激過《獎門人》
家蔚昨在電話中說：「除咗講玩新郎，盈盈仲喺度諗晚宴嘅演辭，玩新郎嘅遊戲會比《獎門人》更激，總之唔會傷嘉樂身，但難飲嘅嘢就唔少得。」是否嬲盈盈瞞婚訊要玩謝樂樂？家蔚哈哈笑道：「唔會報喺嘉樂身上，盈盈次次都玩到好激，佢玩樂怡老公都好癲，我哋目標係佢，等佢生完就知味道！」
盈盈昨日在電話中表示未諗到講辭，或會玩即興，那有否叫姊妹錫住嘉樂？她笑說：「輪唔到我出聲啦！」怕不怕生完被大報復？盈盈哈哈笑：「到時我唔得閒理佢哋，我要湊仔呀！」
謝天華見招拆招
鄭伊健昨在跑馬地出席活動時談到參加嘉樂婚前派對醉得開心，他笑言不擔心姊妹難對付：「我次次企後面，費事俾啲姊妹叫我飲洗腳水就大件事。」而謝天華在電話中亦笑謂姊妹團好保密，惟有見招拆招。
採訪：溫敏芝、羅德光
攝影：黃文偉、李志明
