魔術對紐約人場波，第2節開始前，啦啦隊出嚟表演時發生意外。呢位叫Jamie Woode（左圖）嘅女啦啦隊員，踩上佢男拍檔膊頭時，叉錯腳撻咗落地。由於頭落地先，佢趴喺場中郁都唔郁；好彩救護員趕到時，佢已經慢慢有番知覺。Jamie上咗擔架被抬離場時，全場好warm咁用掌聲以示支持，而佢亦不忘自己搞氣氛嘅本份，揮手回應（右圖），希望佢盡快好番啦！