關仁隱事:「馬拉盞」夜蒲嗲客開單 - 關仁

關仁隱事:「馬拉盞」夜蒲嗲客開單 - 關仁

「馬拉盞」出道時已經係靚女一名,早前仲畀佢泊到個好碼頭「急轉彎」,諗住呢對能夠開花結果。可惜好景不常,男對女玩厭咗,馬拉盞就好似由天堂俾人打番落地獄一樣,以前買名牌碌白金卡,出入又有司機接送,但分手後就要日日逼地鐵返工,極速打回原形,都咪話唔陰功。聽講馬拉盞家去咗做金融經紀,為咗搵多啲大客仔,成日要出去夜蒲應酬,仲要出嗲功叫人開戶,有時好彩畀佢冧掂啲大人物開百萬戶口,但都唔會信佢有專業知識,所以買賣權都係落番喺個客度,真係好睇唔好食。
撰文:關仁