【喜】─皇家馬德里對親巴塞隆拿都好火爆，但兩隊周二喺卡塔爾嘅對碰就和諧得多，皆因場波喺兩隊一班前球星踢嘅元老賽，好耐無見嘅希亞路、辛頓(右一)、朗奴迪保亞同沙加度等有份參加。場波其實喺室內5人場舉行，係一場迷你版對決，法定時間踢成5:5，最終皇馬12碼射贏巴塞。家喺卡塔爾踢緊波嘅魯爾就冇份踢，但都有畀面過嚟探一班老友。