最近騰訊（700）員工真係好「騰信」──「騰雞怕收大信封」，事關近期不時傳出騰訊計劃明年大裁員，甚至言之鑿鑿話要裁減兩成員工，涉及3000至4000人。但係騰訊最新業績報告顯示，今年9月底有2.35萬名員工，較6月底多3542人，照計冇理由呢頭加人，轉頭又裁員咁失預算啩。
第三季員工成本少8%
市場幾次傳出騰訊裁員，班高層都已經即刻出來澄清，不過講極都冇人信，查實佢哋可以攞啲數出來講。騰訊第三季有2.35萬名員工，薪酬成本20.69億人仔，第二季2萬名員工，薪酬成本係19億人仔，第三季每名員工成本比第二季少8%，即係話，即使裁員都未必為削減成本啦。何況騰訊最近落力搞微信等新平台，點都要用人嘅。