於2010年3月，思捷（330）前主席邢李㷧盡沽手上股份，當時思捷股價約50元，2010年度（年結月為6月）純利約42.26億元；到昨日，思捷股價跌至僅約10.62元，2012年度純利降至8.73億元。思捷真的還「有得救」？
Zara分店越開越多
有外資分析員指，就算邢李㷧真的「回朝」，要在今時今日重振思捷不是易事。他說：「除咗佢嘅大本營德國，5、6年前思捷喺其他歐洲地方，啲產品都確係仲賣得吓，但係喺Zara橫掃全球嘅今日，好難做得返以前個水平。」他續稱：「你自己喺香港都有眼見，Zara分店越開越多，次次入去都有人龍，思捷分店就越嚟越少，店內顧客唔多，思捷產品唔得嘅結論好明顯。」另一分析員則稱，除經營環境大幅改變外，以前「黃金鐵三角」的主要成員、即前行政總裁高漢思及前副主席潘祖明，重返思捷的可能性很低。他說：「高漢思家71歲，潘祖明就做咗財務滙報局主席，返嚟幫手嘅可能性真係唔高……除非邢李㷧可以搵到啲新嘅好幫手，否則我就唔睇好思捷可以翻生。」