點樣穩定樓市？一向都係自由黨好肉緊嘅議題，佢哋噚日同狼振英會面，提供施政報告好橋時，就再次力倡狼振英將部份空置工廈轉為住宅，以及向首次置業人士減印花稅，協助市民上樓。
力促狼英還富於民
榮譽主席田北俊被問到，買家印花稅（BSD）有冇效，甚至影響佢嘅買樓意欲時，田少即時淡淡然咁話：「我買地唔買樓㗎喎!」根本完全不受BSD影響，呢番咁坦率嘅言論，當然即時令全場未買到樓嘅記者滴汗兼O嘴。查實自由黨噚日仲建議政府將差餉寬免上限提高至5千蚊，以及建議政府將外滙基金同儲備中嘅每年投資回報，用嚟回饋中產同中小企，力促狼英「還富於民勿當奴」。