有政界奶媽之稱嘅林鄭月娥，一向都係吳得掂同酒駕波最貼身嘅保母，不時要湊住佢兩個出街。本來今日立法會有關吳得掂同酒駕波嘅不信任動議辯論，都係由林鄭湊住孖仔到場答辯，以便隨時挺身擋箭，點知林鄭又要去倫敦外訪，結果湊仔嘅重任，就落咗喺署理政務司司長曾德成身上。曾德成得唔得？真係要睇佢今日使出乜嘢招數，但好肯定，林鄭呢次出差都幾疏乎，原來佢除咗會見當地國會議員、商界領袖同社會企業代表，hard sell香港發展之外，亦參觀咗UnLtd。
為社企發展取經
UnLtd係英國為社企提供資金嘅主要組織，並為社企發展提供支援，林鄭一向好關心社企發展，相信都係有意取經。佢亦順道探訪名為Arrival Education嘅社企。雖然行程頻撲啲，但相信舒服過喺香港湊仔啩。