玄學家麥玲玲的運程書，近期高踞香港App Store書籍排行榜首位，有價有巿。原來她亦曾是盜版Apps受害人。兩年前她申請把「麥玲玲2010年運程書」放上App Store售賣被拒，理由竟是早前有同名App登記了，麥即時要求蘋果跟進，但對方懶理，幸她自行追查後，得悉盜版App是一間曾合作的公司盜用其資料，她發律師信給該公司，對方立即下架，其正版才可以上架。
麥玲玲批評「蘋果咁大間公司，竟然冇人查核版權資料，容許盜版Apps上架，佢哋收三成利潤，但只顧賺錢，做法兒戲同唔負責任」。她指蘋果至今仍未有改善，「我叫程式設計員或者老公去登記，佢哋都冇問過，亦冇查核，我係正版冇影響，但若有人盜用我名登記，我懷疑亦可以上架，若果盜版Apps於海外上架，更加難以追查及追究」。
自從逐走翻版書後，麥玲玲學精了，她認為要保障版權，一定要「鬥快」，「最好與書籍同步推出，封殺盜版機會。」
《蘋果》記者