血流成河，唔使等到聖誕節，要將客人嘅荷包榨乾，商人有條橋叫做crossover。近年「勾搭」成精嘅H＆M，今期同潮牌Maison Martin Margiela（MMM）「搞埋」，經典嘅棉胎大褸、駱駝色外套重現人間，價錢仲係主線嘅一成。
上年排H＆M crossover Versace小嘗勝果嘅排隊黨Eliza食過翻尋味，知道新系列周四早上8點開賣，尋日兩點幾已經帶埋禦寒衣物落去中環店霸定頭位，今次除咗幫朋友之外，自己都搶埋一份，「幻想」兩至四萬可以落到樓；截至噚晚10點，喺佢後面都只係得兩個人。